http://www.swahilihub.com/image/view/-/2423050/medRes/336861/-/1af5pdz/-/eaLamu.jpg

 

Msaada upelekwe Turkana

Imepakiwa Wednesday November 5 2014 | Na  R. KIZUKA

Kwa Muhtasari:

Wahisani nalia tena,kisikieni kilio

hali mbaya Turkana,ni maafa Nakurio

WAHISANI nalia tena,kisikieni kilio
Na hayakuanza jana,yataka mazingatio
Japo mie ni kijana,kubali wangu ujio
Hali mbaya Turkana,ni maafa Nakurio

Chakula kukosekana,yatangazia redio
Walia baba na nina,kufiliwa na wanao
Wengi makao hawana,waondoka wazazio
Hali mbaya Turkana,ni maafa Nakurio

Ukame mezidi sana,na hasa huko Kerio
Maafa yako bayana,hakuna alo salio
Machozi ya Turkana,nani hasiki vilio
Hali mbaya Turkana,ni maafa Nakurio

Viongozi hili sana,wajinga ndo waliwao?
Vifo vya waturkana,nani hasiki vilio
Hali mbaya Turkana,ni maafa Nakurio

BW. R. KIZUKA
SHULE YA MSINGI YA TOM MBOYA
MOMBASA.

Tuma mchango wako kwa swahilihub@ke.nationmedia.com

Share Bookmark Print

Rating