Mhubiri afumaniwa akirina asali ya mke wa askari barabarani

Imepakiwa Sunday December 17 2017 | Na Mary Wangari

Kwa Muhtasari:

NDEIYA, Limuru

KIOJA kilizuka hapa, baada ya mhubiri mashuhuri kufumaniwa akichovya asali ya mke wa afisa mmoja wa polisi kando ya barabara.

Kwa mujibu wa mdaku wetu, mchungaji na mke wa afisa huyo yamkini walizidiwa na mahaba ambapo kasisi aliliegesha gari lake kando ya barabara na wakaanza kula uroda.

Yasemekana pasta huyo aliacha mkewe na watoto nyumbani na kukutana na mke wa afisa huyo kabla ya kuanza kucheza miereka kando ya barabara!

Mdaku wetu alitujuza kwamba wawili hao walipatikana na maafisa wengine wa polisi waliokuwa wakishika doria katika barabara hiyo.

Maafisa hao waliposimama kulikagua gari hilo lililokuwa limeegeshwa kando ya barabara, waliwapata katika kilele cha kurushana roho.

Share Bookmark Print

Rating