Polo akaripia mkewe kwa kutupa ugali uliobaki jioni

Imepakiwa Wednesday January 13 2016 | Na STEPHEN DIK

Kwa Muhtasari:

Jombi wa hapa Ndere, Siaya aliwashangaza wakazi kwa kumgombeza mkewe kwa sababu ya kutupa ugali kiporo.

NDERE, Siaya

JOMBI wa hapa Ndere, Siaya aliwashangaza wakazi kwa kumgombeza mkewe kwa sababu ya kutupa ugali kiporo.

Kulingana na mdokezi, mkewe aliamka asubuhi na jambo la kwanza kufanya lilikuwa ni kuchukua kiporo na kukitupa kwenye jaa la taka.

“Jamaa alimgombeza mkewe akimwambia alitaka kutafuna kiporo na kuteremsha kwa chai. Alimwambia mkewe aliharibu chakula nyakati hizi ambazo gharama ya maisha iko juu,” akasema mdokezi.

Jamaa amekuwa akinywa chai kwa ugali kila asubuhi siku za hivi karibuni jambo ambalo halikumfurahisha mkewe.

Jamaa alimwambia mkewe kwamba akirudi kutupa chakula atamchukulia hatua ambazo hakutaja.

Dondoo za Hapa na Pale ni visa vinavyojiri kila siku sehemu tofauti nchini na kimataifa. Tuma habari kwa:dondoo@ke.nationmedia.com/ taifa@ke.nationmedia.com au swahilihub@ke.nationmedia.com

Share Bookmark Print

Rating