http://www.swahilihub.com/image/view/-/4562414/medRes/1973371/-/vkwt12/-/ima.jpg

 

KISWAHILI NI ASILI

Bakita

Baadhi ya viongozi wa Baraza la Kiswahili la Taifa (Bakita). Picha/HISANI 

Na RAHMA MAHMOUD

Imepakiwa - Monday, September 10  2018 at  12:21

Kwa Muhtasari

Lugha iliyonawiri, leo inadidimia,

Kiswahili ni asili, acha kutuharibia.

 

LUGHA iliyonawiri, leo inadidimia,

Potofu zilizojiri, lugha kutuharibia,

Ilizidi kushamiri, zama ilipotokea,

Kiswahili ni asili, acha kutuharibia.

 

Chanzo kilipoanzia, ubovu kupindukia,

Miandao asilia, wengi tumetumia,

Lugha wanajifungia, kisha inaendelea,

Kiswahili ni asili, acha kutuharibia.

 

Kama kawa naileta, wapi ilipoanzia,

Kamusi sijaikuta, kila nilipopitia,

Acheni wenu utata, lugha kutuchafulia,

Kiswahili ni asili, acha kutuharibia.

 

Bamaji hatamwagika, nabaki kuangalia,

Mnazidi kupinduka, asili mnakimbia,

Isije ikatoweka, kibou kikaenea,

Kiswahili ni asili, acha kukiharibia,

 

Wendi wanakitamani, nyinyi mnakifukia,

Lugha hii ya thamani, wengine hamjajua,

Basata mpo makini, mzidi kutuenzia,

Kiswahili ni asili, acha kutuharibia.

 

Nizidi kujifunza, Kiswahili kutumia,

Nisije nikajiponza, lugha kujiharibia,

Wazee waliitunza, njema wakatuachia,

Kiswahili ni asili, acha kutuharibia.

 

Wapo wapi Waswahili, malenga naulizia,

Naomba mjadili, msije kupuuzia,

Utakuwa mlijadili, suala mkaliachia,

Kiswahili asili, acha kutuharibia.

 

Rahma Mahmoud,

(Binti Shaaban),

rahmamahmoudmk@yahoo.com