BERLIN, Ujerumani

CHANSELA wa Ujerumani, Angela Merkel, Ijumaa alieleza masikitiko makubwa kufuatia kujiuzulu kwa Rais Christian Wulff.

Kiongozi huyo alijiuzulu kufuatia mzozo ulitokana na mkopo wa kibinafsi ambao alikuwa ameuchukua.

Nusu saa tu, baada ya Wulff kutangaza kujiuzulu kwake, Merkel, kwenye taarifa alimshukuru rais huyo kutokana na mchango wake na kusema anaheshimu uamuzi wake.

Alisema atashauriana na Serikali, vyama vya kisiasa kutafuta atayechukua wadhifa wa Wulff.

Mashtaka

Wulff, 52, alitangaza kujiuzulu kwake kwenye kwenye televisheni, baada ya viongozi wa mashtaka kuliomba bunge la Ujerumani limwondolee kinga dhidi ya mashtaka, jambo ambalo lingepelekea yeye kuchunguzwa rasmi kuhusiana na madai ya ufisadi.

Wulff, alikuwa mshirika wa karibu wa Merkel, lakini alikabiliwa na shinikizo ilipobainika kuwa alijaribu kuzima ufichuzi wa gazeti la Bild, kuhusu mkopo aliouchukua 2008 kutoka kwa mke wa rafiki yake kwa riba ya chini mno.