http://www.swahilihub.com/image/view/-/4339996/medRes/1907637/-/q04otd/-/piao.jpg

 

Boinnet, Kihalangwa hatarini kusukumwa ndani

John Khaminwa

Mawakili Nelson Havi, James Orengo na John Khaminwa (kulia) wakiwa mahakamani Machi 13, 2018; kesi ya Dkt Miguna Miguna. Picha/RICHARD MUNGUTI 

Na RICHARD MUNGUTI

Imepakiwa - Tuesday, March 13  2018 at  15:47

Kwa Mukhtasari

Inspekta Jenerali wa Polisi Joseph Boinnet na Mkurugenzi wa Idara ya Uhamiaji Gordon Kihalangwa wanaweza kusukumwa ndani wakati wowote baada ya Mahakama ya juu kukataa kutupilia mbali maombi wawili hawa wasiadhibiwe kwa kukaidi maagizo ya korti.

 

INSPEKTA Jenerali wa Polisi Joseph Boinnet na Mkurugenzi wa Idara ya Uhamiaji Gordon Kihalangwa wanaweza kusukumwa ndani wakati wowote baada ya Mahakama ya juu kukataa kutupilia mbali maombi wawili hawa wasiadhibiwe kwa kukaidi maagizo ya korti.

Wawili hawa wanaweza kusukumiwa kifungo cha miaka miwili gerezani.

Majaji Roselyn Nambuye, Kathurima M’Inoti na Patrick Kiage walisema wakuu hao wa Serikali walikaidi agizo la Jaji Luka Kimaru la kumfikisha mwanaharakati Miguna Miguna kortini.

Badala ya kumfikisha kortini, Bw Kihalangwa alimsafirisha Bw Miguna hadi Canada akidai ni mhamiaji haramu.

Majaji hao watatu walitupilia mbali rufaa aliyowasilisha waziri wa usalama Dkt Fred Matiang’I iliyopania kuwatoa kwenye ndoano Boinnet na Kihalangwa.

“Hii mahakama haiwezi kukubalia wakuu serikalini kukaidi maagizo ya mahakama hata iweje,” uamuzi wa majaji Nambuye, M’Inoti na Kiage umesema.